بطارية التليفون ممكن تنفجر

هل فعلا بطارية التليفون ممكن تنفجر وانت نايم و كمان التليفون علي الشاحن .؟

موضوع البطارية وأنت نايم السبب مش انك تسيب الموبايل في الشاحن وانت نايم ولا وانت صاحي الموبايل مش بيحس ويعرف انك نايم فيولع في نفسه!

السبب هنا هو البطارية .. ومش أي بطارية ..

خلي بالك تليفون سامسونج او الsmart phone عامة  ليه design غير الـ Nokia فبلاش نعمل مقارنه نرجع للبطارية اللي لازم تكون اصليه ، البطارية "الاصلية" وحط تحت الاصلية دي مليون خط بيكون فيها صمام امان (sensor) مجرد ما تتشحن بالكامل الصمام بيشتغل فيفصل التيار الكهربي  بالتالي هي مش هيكون في احمال زيادة عليها فمش هتنفجر ولا هيحصلها حاجة مهما اتسابت علي الشاحن سواء صاحي ولا نايم  بس بردو طول ما هي في الكهربا ومشحونة ده بيقصر عمرها.

لما البطارية تبوظ وتروح تشتري واحدة تانية بسعر رخيص هنا بقي تاخد بالك جدا لان البطاريات دي مش بيكون فيها صمام أمان أو بمعني أخر مفيهاش المواصفات اللي هتتطابق مع الsensor وتشغله لما الاحمال تزيد وطول ما هي على الشاحن بتشحن  وأنت مش بتستخدم الموبايل فالشحن الزيادة مش بيستهلك فبيحصل المنظر ده.

ليه بيحصل في الغالب وانت نايم؟

لانك بتسيب الموبايل طول الليل من غير استخدام وطبعا عمرها ما بتحصل بالنهار لان الموبايل مش بيلحق يخلص شحن اصلا.

فخلوا بالكم وبلاش الموبايل يتساب على الشاحن مدة طويلة سواء بالليل او بالنهار .

ربنا يحفظكم.