كيف يتجسس عليك هاتفك الأيفون أو السامسونج

كيف يتجسس عليك هاتفك الايفون أو السامسونج ..

أيوة التليفون اللي في ايديك بيسجلك صوت وصورة كمان ...

صدفة أنك تكون بتتكلم أنت وصاحبك عن تليفون مثلا  IPHONE 11 وومميزاته  وتلاقي فى نفس اليوم الفيس بوك بيعملك إعلانات مقترحة عن الأيفون .... أكيد مش صدفة ...

هنتكلم النهاردة عن Voice and Audio Activity  ..

ودا أبسط أنواع التجسس ، أيوة Google بتسجل كلامك مع أي شخص فى أي وقت وبشكل عشوائي ممكن مدة التسجيل متكملش ثواني .. وإن دا بيتعمل بهدف الإعلان فقط والربح طبعا .. لكن فكرة إن ممكن حد يسمع حوار شخصي بينك وبين أهل بيتك فى أي وقت هي فكرة مرعبة فى حد ذاتها وإنتهاك للخصوصية إللي أنت بتوافق عليها وبتضغط موافق وبشدة أثناء تنزيل أي Application  من الــ Store .

مش بس كدا Google  بتعمل خريطة ليك على الـ Activity  مثلا الساعة 7 الصبح كان فى رمسيس ... ، 7.30 اتحرك لروكسي ... ، 2 الضهر كان بيتغدا فى المهندسين ... وهكذا ... كارثة أخري ...

ادخل على Google Chrome  :

اعمل سيرش على Google Activity  من الشمال فوق هتلاقي Activity Control   وبعدين ابحث عن Voice And Audio Activity  واعمل Pause للخدمة أو ايقاف ..

للأسف لو هي كانت شغاله هتلاقي تسجيلات كتير ليك فى أوقات عشوائية اسمعها واحذف كل التسجيلات .

فى أكتفيتي كتير اقفلها ...

الناس بتاعة صراحة .. وتشبه مين من الممثلين ... واصلك من خلال عينيك .... بلاش اللينكات دي عشان انت كدا بتسلم نفسك بنفسك .

الناس اللي بتعمل تحديث للأندرويد من لولي لوب لمارشميلو لنوجا لمؤخرا  أوريو ... مش كل حاجة تعملها (Allow - سماح) 

استهدي بالله وإقرأ المطلوب الأول ..