الروتر أو الميني واي فاي بالكويت و الخليج

الروتر أو  الـ Wifi

معلومه تهم كل اللي عايش دلوقتي فى الكويت او السعوديه او الخليج عامة .

أكيد كلنا معانا الـ WIFI   بتاع  Huawei  ... اللى من خلاله بيقدر يديلك نت 100 جيجا  فى الشهر او اكتر على حسب الباقة بتاعتك ...

المهم ...

كلنا بردوا روحنا اشترينا تليفون قبل كدا Samsung أو Sony  أو Huawei  أو حتي iphone   ...  وكلنا عملنا ناصحين ودخلنا على جوجل ودورنا على إمكانيات الجهاز زي الram وال cpu وال camera  .... الخ

وكنا بنييجي عند شوية حاجات وبنعديها عشان مش عارفين اي هي ولا حتي وظيفتها فبالتالي مكنتش تفرق معانا .. من الحاجات دي مثلا يقولك التليفون دا فى الwireless   شغال على : 

( 802.11a (2.4GHz) او b    او  ac   او n   او  g .

الحرف دا اللى بعد الرقم 802.11 مهم جدا بقى فى اللي انا هقولهولك عن الروتر  .

مش هدخلك فى كلاكيع وارقام متتفهمش ، وأنت فى إعدادت الروتر هتلاقى حاجه اسمها wifi mode   وهتلاقى فى الـ mode دا بقى اختيارين يا إما  2.4GHZ  يا إما 5GHZ الروتر بييجي متظبط على 2.4GHZ وانت ممكن تحوله لـ 5GHZ هتستفاد إيه أو إيه الفرق !!!!

لو مش عايز النت يقطع منك أو المكالمات يحصلها drop  أو تقطيع عايز السرعه اللى هي أساسا سريعه جدا لانك بالفعل شغال على الـ 4G تبقى أسرع وأسرع اختار اللى 5GHZ  لو عايز يبقى معاك أكتر من واحد في الروتر خمسة سته سبعة وكلكم شغالين بالـ FULL SPEED يبقى خليك على الـ 5GHZ .

من عيوب الـ 2.4GHZ إن بيحصل فيه حاجة اسمها Interference  يعني تداخل بيوصل لتشويه الاشارة فيبدا يقطع معاك ، بس إيه الميزه بقى فى الـ 2.4 حاجة مهمة انه بيغطي مساحة اكبر من الـ 5 ويقدر يغطي مساحة فيها حوائط وغرف اكتر من
 الـ 5  بس غالبا الروتر دايما جنب التليفون يبقي النقطه دي مش هتضرك يبقي النتيجه  الـ 5 أفضل ليك فى كل الحالات .

نرجع بقى لأول نقطه ممكن يكون تليفونك مثلا شغال على 802.11a ودا مثلا مش  ويشتغل الا على الـ 2.4GHZ لكن مثلا جهازك 802.11n  دا بقى يشتغل على 2.4 أو الـ 5 طيب بقي جهازك بقي بشتغل على 802.11ac دا بقي بيشتغل على الاتنين فى نفس الوقت ومعندوش مشاكل فى الـ 2.4 أوالـ5 حسب الشبكة .

ملحوظه : الاصدارات القديمه من الروتر مبتشتغلش غير على الـ 2.4 يعني مش هينفع تحولها لـ 5 إلا لما شركتك تعمل Upgrade لل Firmware بتاع الروتربتاعك .

لاحظ بعد ما تحول الروتر لو تليفونك أو اللاب توب أو التابلت ، الخ مكتوب فيه مواصفاتة انه فى الـ wifi بيشتغل علي  802.11a/g/b/n 2.4 دا مش هيشتغل 

لكن لو مكتووب   802.11n/ac 5 دا هيشتغل.